Dat hei ass ee follow up zu engem aneren Artikel: Sensus iPerl Waasser Compteur am Smart Home
An dësem Artikel gëtt am Plaatz vun engem USB Radio Empfänger just een ESP32 mat engem klenge Modul benotzt fir Telegramm vum Waasser Compteur z’empfänken an un den Home Assistant wéider ze ginn.
Als Software kënnt ESPHome zum Asatz, mat engem “Custom Component” vun https://github.com/SzczepanLeon/esphome-components
Variante 1 – DIY ESP + CC1101 Modul
Dëst ass wahrscheinlech déi gënschtegst Methode, gebraucht gëtt just een ESP32 souwéi een CC1101 868 MHz Empfänger Modul.
No e bëssi Gepiddels fir déi 8 Kabelen drun ze léiden:
Well den CC1101 bis elo just vun der Versioun 4 vun der ESPHome Custom Component ënnerstëtzt gëtt, benéidegt dësen ee liicht aaneren ESPHome Code wéi déi aaner Variante.
Variante 2 – Komplett ESP32 Modul – Lilygo T3S3
Vum Käschtepunkt liicht méi héich wéi DIY Variante, mee dofir brauch ee keng Mini Kabel ze verléiden. Nach ëmmer méi gënschteg wéi d’Variante mam USB Radio Empfänger.
Dëse Modul benotzt een aaneren Radio Empfänger, den SX1276.
Dëse kann och mat der aktueller ESPHome Custom Component an der Versioun 5 benotzt ginn
Variante 3 – Komplett ESP32 Modul – Heltec LoRa 32
Iwwert Aliexpress hat ech nach een 3. Modul bestallt, wat laut Beschréiwung och een SX1276 Chip sollt hunn.
Leider kruut ech hei déi allerneiste Hardware Revisioun , déi mat engem SX1262 Chip dohierkënnt, dee leider (nach) net vun der ESPHome Custom Component ënnerstëtzt gëtt.
ESPHome ënnerstëtzt zwar den SX1276, mee benéidegt dann awer een externen WMBusmeters op engem Linux Host deen déi Telegrammen dann dékodéiert.
Aus dësem Gronnd hunn ech (bis elo) dës 3. Variante nach net wéider ausgebaut, mat den Varianten 1 an 2 gëtt et och schon gudd Alternaitven.
Iwwersiicht
| Variante | Käschtepunkt | Remarque |
|---|---|---|
| ESP32 DIY | ESP32: ~ 10€ CC1101 Sensor: ~ 2 bis ~ 5€ | Benéidegt Léidkolwen souwéi Verkabelung |
| Lilygo T3S3 (SX1276) | ~ 22€ | Funktionéiert quasi “out-of-the-box” |
| Heltec WiFi LoRa 32 (868MHz) | ~ 20 € | Chip net supportéiert (oder iwwer Emweeër) |
ESPHome Code
Héi si meng ESPHome Code falls een dës Compteur nobaue wëll:
De Code fir de Lilygo T3 S3 baséiert zum gréissten Deel um Demo Code vun https://github.com/SzczepanLeon/esphome-components. Hu just gréisstendeels déi DEBUG Informatiounen erausgeholl, dat huet de Log zougespammt.
Fazit
Déi beschte Léisung ass définitiv déi Variante mam Lilygo T3 S3 Modul. Et kann ee souguer quasi den Demo ESPHome Code vun der Custom Component 1:1 iwwerhuelen.
Am direkte Verglach mam USB Radio Empfänge konnt ech och feststellen dass béid ESPHome Varianten Donnéeë vum Compteur a méi reegelméissegen Ofstänn empfaangen hunn.
Oppasse gëlt et beim akafen, Moduler mam SX1262 si net recommandéiert, Moduler mam CC1101 an SX1276 funktionéieren einwandfrei.
Och beim bestellen vum Lilygo T3 S3 kann ee sech schnell ieren, et gëtt en och mat dem ominösen SX1262 fir den 868 MHz Frequenzberäich.
1 comments
Ah Mega. Ma dann kucken ech emol wou ech dat bestellen kann an dann testen ech dat emol aus. Mir hun jo den selwechten Wasser Compteur.
Merci fir dei gudd Arbecht an den ausféiherlechen Bericht